Tradiţiyalar kilimnerini kırmaa pek büük bir er kaplêr gagauzların istoriyasında. Nicä biliner, kilimnär dokulurmuş pak yapaadan, onuştan onnarı pek koruyarmışlar da verirmişlär el eldän evlat boylarına. Olga Hadjioglo Kıpçak küüyün yaşayanı büün dä ilerleder adeti pala dokumaa düzendä.

Asirlärcä kilimnär sayılırmışlar diil sade varlıın simvolu, ama nicä da bir incä zanaat, neçinki kilimi dokuuma deyni alınırmış pek çok vakıt. Olga Hadjioglo umut eder, ani şindiki gençlär dä savaşaceklar koruma bu eski adeti, ilerletmää onu.

Korumaa deyni hem ilerletmää kilim kırılmasını, dokumasını, her yılın Gagauziyada geçer vestival «Gagauz kilimneri», neredä var nicä görmää eski hem modern kilimnerini, üürenmää, nicä dokuyarmışlar evelki vakıtlarda.